| | az | en

TƏQVİM

Be Ça Ç Ca C Ş B
2345678
9101112131415
16171819202122
23242526272829
3031
Təhlükəli məhsul
24.08.2012
Qusar şəhərində fiziki şəxs Gülarə Hacıyevaya məxsus sexdə çörək, Sumqayıt şəhərində "Vüsal-B" firmasında preslənmiş, doğranmış, rəfinə olunmuş qənd, "VAT" MMC-də portlandsement, Bərdə şəhərində fiziki şəxs Etiram Sədiyevə məxsus sexdə "duşes" limonadı, Abşeron rayonu, Novxanı kəndində "Duet" firmasında daxili kanalların istehsalı və satışı, Oğuz şəhərində fiziki şəxs Akif Ənsərova məxsus maye qaz doldurma məntəqəsində maye qaz məhsullarının satışı qadağan edilmişdir - FOTOLAR

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Xaçmaz Ərazi İdarəsi tərəfindən Qusar şəhəri, Müqtədir küçəsi ünvanında fəaliyyət göstərən fiziki şəxs Gülarə Hacıyevaya məxsus çörək sexində dövlət nəzarəti aparılmışdır. Araşdırma zamanı müəyyən edilmişdir ki, müəssisədə gigiyenik və AZS Milli sertifikatlaşdırma sisteminin qaydalarına əsasən verilən uyğunluq sertifikatları olmadan istehsal həyata keçirilir, müəssisə texnoloji sənədlər olmadan fəaliyyət göstərir, sexdə sanitar norma və qaydalara riayət edilmir. Aşkar edilmiş bu və digər nöqsanlara görə fiziki şəxs Gülarə Hacıyevaya məxsus sexdə çörəyin istehsalı və satışı qadağan edilmiş, İnzibati Xətalar Məcəlləsinin 228.0.3, 228.0.4 və 228.0.12 maddələrinə əsasən inzibati protokol tərtib edilərək 1500 manat məbləğində cərimə edilmişdir.

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Şəki Ərazi İdarəsi tərəfindən Oğuz şəhəri, Xal-Xal yolu 1 ünvanında fəaliyyət göstərən fiziki şəxs Akif Ənsərova məxsus maye qaz doldurma məntəqəsində dövlət nəzarəti aparılmışdır. Araşdırma zamanı müəyyən edilmişdir ki, məntəqədə maye qaz məhsullarının satışı Azərbaycan Respublikası Nazirlər Kabinetinin 7 noyabr 2002-ci il tarixli 174 nömrəli Qərarının tələbləri pozulmaqla həyata keçirilir. Belə ki, maye qaz məhsullarının satışı üçün alınmış lisenziyanın qüvvədə olma müddəti başa çatmış, istifadə olunan 4 ədəd ölçmə vasitəsi müqayisəli dövlət yoxlamasından keçməmiş istismar olunur. Aşkar edilmiş bu və ya digər nöqsanlara görə fiziki şəxs Akif Ənsərova məxsus maye qaz doldurma məntəqəsində maye qaz məhsullarının satışı qadağan edilmişdir.

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Sumqayıt Ərazi İdarəsi tərəfindən Sumqayıt şəhəri, məhəllə 41a ünvanında fəaliyyət göstərən "Vüsal-B" firmasında qənd istehsalı sexində dövlət nəzarəti aparılmışdır. Araşdırma zamanı müəyyən edilmişdir ki, müəssisə müəyyən edilmiş qaydada təsdiq olunmuş texnoloji təlimat olmadan fəaliyyət göstərir. Nəticədə normativ sənəd ГОСТ 22-94 standartının tələbləri pozularaq texnoloji prosesə əməl olunmadan sanitar norma və qaydalara riayət edilmədən məhsul istehsal edilir. Bundan başqa müəssisədə hazır məhsulların markalanması düzgün və tam aparılmır, məhsulların saxlandığı anbarda tempratur və nisbi rütubət rejiminə nəzarət olunmur. Aşkar edilmiş nöqsanlara görə "Vüsal-B" firmasında preslənmiş, doğranmış, rəfinə olunmuş qəndin istehsalı və satışı qadağan edilmişdir.

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Sumqayıt Ərazi İdarəsi tərəfindən Sumqayıt şəhəri, Bakı-Quba yolunun sol tərəfi, 35-ci km ünvanında Fəxrəddin Xudaverdiyevin rəhbərliyi ilə fəaliyyət göstərən "VAT" MMC-də dövlət nəzarəti aparılmışdır. Araşdırma zamanı müəyyən edilmişdir ki, portlandsement istehsalı və satışı ilə məşğul olan müəssisə müəyyən edilmiş qaydada təsdiq olunmuş texnoloji reqlamenti olmadan fəaliyyət göstərir. Nəticədə normativ sənəd ГОСТ 10178-85 standartının tələbləri pozulur. Bundan başqa istehsal olunan portlandsementin markalanması və qablaşdırılması standartın tələblərinə uyğun aparılmır. Belə ki, hazır məhsulların üzərində onun istehsal tarixi göstərilmir, kisələrin üzərində sementin çəkisi 40 kq göstərilməsinə baxmayaraq, çəkilmiş kisələrin orta çəkisi 36,8 kq gəlmişdir. Müəssisədə istismarda olan 7 ədəd ölçmə vasitəsi müqayisəli dövlət yoxlamasından keçmədən istifadə olunur. Aşkar edilmiş nöqsanlara görə "VAT" MMC-də portlandsementin istehsalı və satışı qadağan edilmişdir.

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Sumqayıt Ərazi İdarəsi tərəfindən Abşeron rayonu, Novxanı kəndində fəaliyyət göstərən "Duet" firmasında daxili kanalların istehsalına dövlət nəzarəti aparılmışdır. Araşdırma zamanı müəyyən edilmişdir ki, müəssisədə daxili kanallar normativ sənədi olmadan istehsal olunur, istismarda olan ölçmə vasitələrinin heç biri müqayisəli dövlət yoxlamasından keçməmişdir. "Duet" firması Azərbaycan Respublikasının İnzibati Xətalar Məcəlləsinin 228.0.12 maddəsinə əsasən inzibati xətaya yol verildiyinə görə protokol tərtib edilmiş, müəssisədə daxili kanalların istehsalı və satışı qadağan edilmişdir.

Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Yevlax Ərazi İdarəsi tərəfindən Bərdə şəhəri, Koroğlu küçəsi 68 ünvanında fəaliyyət göstərən fiziki şəxs Etiram Sədiyevə məxsus limonad sexində dövlət nəzarəti aparılmışdır. Araşdırma zamanı müəyyən edilmişdir ki, müəssisədə gigiyenik və AZS Milli sertifikatlaşdırma sisteminin qaydalarına əsasən verilən uyğunluq sertifikatları olmadan istehsal həyata keçirilir, müəssisə texnoloji sənədlər olmadan fəaliyyət göstərir, sexdə sanitar norma və qaydalara riayət edilmir. Bundan başqa istehsal olunan məhsulların markalanmasında və qablaşdırılmasında standartın tələbləri pozulur, məhsulun sınaqlarını aparmaq üçün hər hansı bir akkreditasiya olunmuş laboratoriya ilə müqavilə mövcud deyil, istismar olunan 4 ədəd ölçmə vasitəsi müqayisəli dövlət yoxlamasından keçməmişdir. Aşkar edilmiş bu və digər nöqsanlara görə fiziki şəxs Etiram Sədiyevə məxsus sexdə "duşes" limonadının istehsalı və satışı qadağan edilmişdir.

21.04.2016

...Bakı şəhəri, Nizami rayonu, 8-ci km ərazisində yerləşən bazarda və bazara məxsus ərazidə yerləşən ərzaq mağazasında... 

daha ətraflı
17.09.2015

...Bakı şəhəri, Nizami rayonu, Keşlə qəsəbəsi, A.Mirzəyev küçəsi, ev 60 ünvanında Atılxanov Azər Rəşxan oğluna məxsus...

daha ətraflı
04.09.2015

...Sumqayıt şəhəri, H.Əliyev prospekti 40-cı məhəllədə yerləşən “Pompey” və Nizami Gəncəvi küçəsində yerləşən...

daha ətraflı

SƏRƏNCAM

20.06.2017

Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın Azərbaycan Respublikası tərəfindən tərkibinin təsdiq edilməsi barədə Azərbaycan Respublikası Prezidentinin Sərəncamı

daha ətraflı
VİDEO XƏBƏR
16.05.2017
Azərbaycan və Çin arasında qeyri-neft ixrac potensialının genişləndirilməsinə xidmət edəcək Anlaşma Memorandumu imzalanıb
QAYNAR XƏTT
TABE QURUMLAR
Copyright © 2010 Azərbaycan Respublikasının Standartlaşdırma, Metrologiya və Patent üzrə Dövlət Komitəsi! Bütün hüquqlar qorunur.
Sayt  Lider veb studiyası  tərəfindən hazırlanmışdır