| | az | en

TƏQVİM

Be Ça Ç Ca C Ş B
123
45678910
11121314151617
18192021222324
25262728293031
Xəbər arxivi
Çap versiyası
04.04.2017

Azərbaycanın milli musiqi alətləri: Keçmişimiz, bu günümüz” 
mövzusunda elmi-praktiki konfrans keçirilib - FOTO

Standartlaşdırma, Metrologiya və Patent üzrə Dövlət Komitəsi və Mədəniyyət və Turizm Nazirliyinin birgə təşkilatçılığı ilə cari ilin 4 aprel tarixində “Azərbaycanın milli musiqi alətləri: Keçmişimiz, bu günümüz” mövzusunda elmi-praktiki konfrans keçirilib.

Konfransı giriş sözü ilə açan Standartlaşdırma, Metrologiya və Patent üzrə Dövlət Komitəsi sədrinin müavini Niyazi Rəhimov sənayenin effektivliyinin artırılması üçün yeni texnologiyaların, yeni yanaşmaların və ixtiraların tətbiqinin həlledici əhəmiyyətə malik olduğunu bildirib. Onun sözlərinə görə əqli mülkiyyət hüquqlarının qorunması təkcə sənaye və ticarət kontekstində deyil, müasir dövrdə mədəniyyət sferasında da aktuallığını qoruyur. Əqli mülkiyyətin həm iqtisadi, həm sosial-elmi, həm də mədəni əhəmiyyətini xüsusi vurğulayan Niyazi Rəhimov bildirib ki, patent hüququ obyektlərinin mühafizəsi sənayenin effektivliyinə təsir etməklə yanaşı, ölkəmizdə elmi biliklərin aşılanmasına, mədəni irsin qorunmasına, tarixən əldə olunmuş nüfuzun, intellektual komponentlərin gələcək nəslə ötürülməsinə mühüm vasitədir. O, Prezident İlham Əliyev tərəfindən 29 dekabr 2012-ci il tarixində təsdiq edilmiş “Azərbaycan-2020. Gələcəyə baxış” İnkişaf konsepsiyasında mədəni irsin qorunması və səmərəli idarə olunması ilə bağlı konseptual yanaşmanın ortaya qoyulduğunu bildirib. Komitə sədrinin müavini I vitse-prezident xanım Mehriban Əliyeva tərəfindən bu sahədə görülmüş işlərin nəticəsində beynəlxalq təşkilatlarda mədəni irsin təbliği və tanıdılması, həmçinin mühafizəsi istiqamətində uğurlar əldə edildiyini qeyd edib: “Azərbaycanın birinci xanımının səyləri nəticəsində bu gün Avropanın müxtəlif ölkələrinin mədəniyyət mərkəzlərində, ən böyük teatr, konsert salonlarında incəsənət ustalarımızın ifaları səslənir, rəssamlarımızın əsərləri sərgilənir, mədəni irsimizin qədim və müasir nümunələri nümayiş etdirilir”.

Əqli mülkiyyət hüquqlarının qorunması və effektiv idarəolunması üçün Azərbaycanda müasir hüquqi-normativ baza yaradıldığını bildirən N.Rəhimov  bu sahədə institutsional islahatların davam etdiyini bildirib. Prezidentin 10 fevral 2017-ci il tarixli Fərmanı ilə “Patent və Əmtəə Nişanları Mərkəzi”nin yaradılması tapşırığını bu islahatların davamı olduğunu bildirib.

Mədəniyyət və Turzim Nazirinin muavini Ədalət Vəliyev çıxışında Azərbaycanın zəngin musiqi sənətinin çoxəsrlik inkişaf tarixinə malik olduğunu, ölkəmizin musiqi diyarı kimi tanındığını, musiqi ənənələrin nəsildən-nəslə yaşadaraq böyük və zəngin bir irs yaradan xalq musiqi yaradıcılarının Azərbaycan musiqisinin inkişafında böyük xidmətləri olduğunu bildirib. Milli musiqi alətlərinin inkişafının incəsənətin vacib amili kii qiymətləndirən Ədalət Vəliyev bu sahədə yeniliklərin aşılanmasında konfransın əhəmiyyətini xüsusi qeyd edib.

Müəllif Hüquqları Agentliyinin sədri Kamran İmanov xalq musiqisi xəzinəsinə daxil olan xalq mahnılarımızın, milli musiqi alətlərimizin, Azərbaycan mətbəxinə daxil olan xörək növlərinin və digər mədəniyyət nümunələrinin ermənilər tərəfindən mənimsənilərək özününküləşdirilməsinə dəfərlərlə cəhd edildiyni lakin bu cəhdlərin qarşısının alındığını və milli mənəvi dəyərlərimizin qorunduğunu bildirib. O bu istiqamətdə görülmüş işlərin davamı kimi konfransın mövzusunu yüksək qiymətləndirib.

Konfransda həmçinin Azərbaycan Milli Konservatoriyasının rektoru Siyavuş Kərimi, Azərbaycan Dövlət Mədəniyyət və İncəsənət Universitetinin rektoru Fərəh Əliyeva, Azərbaycan Aşıqlar Birliyinin sədri Məhərrəm Qasımlı, Azərbaycan Dövlət Filarmoniyasının direktor müavini Afət Mikayılov, Beynəlxalq Muğam Mərkəzinin direktoru Murad Hüseynov və digərləri çıxış ediblər.

Daha sonra plenar iclas Öz işinə başlayıb. Konfransda "Mədəniyyətin Ənənəvi ifadəsinin patentlə qorunmasının xüsusiyyətləri", "Milli musiqi alətlərinin təkmilləşdirilməsi istiqamətləri və problemləri", "Azərbaycanın qədim musiqi alətlərinin bərpa ənənələri", "Orqanologiya sahəsində Azərbaycan milli alətlərinin elmi nailiyyətləri", "Qarmon alətində təkmilləşmə işi", "Saz aləti tarixi -semiotik informasiyanın daşıyıcısı kimi "mövzularında məruzələr dinlənilib.

 

21.04.2016

...Bakı şəhəri, Nizami rayonu, 8-ci km ərazisində yerləşən bazarda və bazara məxsus ərazidə yerləşən ərzaq mağazasında... 

daha ətraflı
17.09.2015

...Bakı şəhəri, Nizami rayonu, Keşlə qəsəbəsi, A.Mirzəyev küçəsi, ev 60 ünvanında Atılxanov Azər Rəşxan oğluna məxsus...

daha ətraflı
04.09.2015

...Sumqayıt şəhəri, H.Əliyev prospekti 40-cı məhəllədə yerləşən “Pompey” və Nizami Gəncəvi küçəsində yerləşən...

daha ətraflı

FƏRMAN

06.11.2017

“Sahibkarlıq sahəsində aparılan yoxlamaların dayandırılması haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 31 oktyabr tarixli 845-VQD nömrəli Qanununun tətbiqi və “Sahibkarlıq sahəsində aparılan yoxlamaların dayandırılması haqqında”...

daha ətraflı
VİDEO XƏBƏR
23.11.2017
Azərbaycan Akkreditasiya Mərkəzi Avropa Akkreditasiya Təşkilatının assosiativ üzvlüyünə qəbul edilib
QAYNAR XƏTT
TABE QURUMLAR
Copyright © 2010 Azərbaycan Respublikasının Standartlaşdırma, Metrologiya və Patent üzrə Dövlət Komitəsi! Bütün hüquqlar qorunur.
Sayt  Lider veb studiyası  tərəfindən hazırlanmışdır